श्रीलक्ष्मी वैकुण्ठनाथ मन्दिर लंकु चितवन

सर्वदेशदशाकालेष्वव्याहतपराक्रमा।

रामानुजार्यदिव्याज्ञा वर्द्धतामभिवर्द्धताम् ॥१॥

श्रीरामानुजार्यदिव्याज्ञा प्रतिवासरमुज्वला।

दिगन्तव्यापिनी भूयात् सा हि लोकहितैषिणी ॥ २॥

श्रीमन् श्रीरंग श्रियमनुपद्रवामनुदिनं संवर्द्धय ।

श्रीमन् श्रीरंग श्रियमनुपद्रवामनुदिनं संवर्द्धय ॥३॥

नमः श्रीशैलनाथाय कुन्तीनगरजन्मने।

प्रसादलब्धपरमप्राप्यकैङ्कर्यशालिने ॥४॥

श्रीशैलेशदयापात्रं धीभक्त्यादिगुणार्णवम् ।

यतीन्द्रप्रवणं वन्दे रम्यजामातरं मुनिम् ॥ ५॥

लक्ष्मीनाथसमारम्भां नाथयामुनमध्यमाम् ॥

अस्मदाचार्यपर्यन्तां वन्दे गुरुपरम्पराम् ॥ ६॥

यो नित्यमच्युतपदाम्बुजयुग्मरुक्म

व्यामोहतस्तदितराणि तृणाय मेने ॥

अस्मद्गुरोर्भगवतोस्य दयैकसिन्धोः

रामानुजस्य चरणौ शरणं प्रपद्ये ॥ ७॥

माता पिता युवतयस्तनया विभूति:

सर्वं यदेव नियमेन मदन्वयानाम् ॥

आद्यस्य न: कुलपतेर्बकुलाभिरामं

श्रीमत्तदंघ्रियुगलं प्रणमामि मूर्ध्ना ॥८॥

भूतं सरश्च महदाह्वयभट्टनाथ

श्रीभक्तिसारकुलशेखरयोगिवाहान्

भक्तांघ्रिरेणुपरकालयतीन्द्रमिश्रान्

श्रीमत्परांकुशमुनिं प्रणतोऽस्मि नित्यम् ॥९॥

गुरुमुखमनधीत्य प्राह वेदानशेषान्,

नरपतिपरिक्लृप्तं शुल्कमादातुकामः ॥

स्वसुरममरवन्द्यं रङ्गनाथस्य साक्षात्,

द्विजकुलतिलकं तं विष्णुचित्तं नमामि ॥ १० ॥

अस्मद्देशिकमस्मदीयपरमाचार्यानशेषान् गुरून्

श्रीमल्लक्ष्मणयोगिपुङ्गवमहापूर्णौ मुनिं यामुनम् ।

रामं पद्मविलोचनं मुनिवरं नाथं शठद्वेशिणम्

सेनेशं श्रीयमिन्दिरासहचरं नारायणं संश्रये ॥ ११ ॥

श्रीजगन्नाथाचार्य स्वामीज्यूको स्तुतिपद्य

सदा शालग्रामे महति मुकुन्दे न्यस्तसुधियं,

गृहं सद्विद्यानां शुभगुणनिधिं लोकमहितम् ।

भजे श्रीशे सक्तं शठरिपुमुनीन्द्राहितहृदं,

जगन्नाथाचार्यं गुरुवरमुदारं द्रुतमतिः ।।१२।।

श्रीपराङ्कुशाचार्य जीयर स्वामीज्यूको स्तुतिपद्य

कौण्डिन्यान्वयरत्नभूतममलं रङ्गार्यसेवारतं,

वन्द्यं वैष्णववंशपद्मविपिने सूर्यं नवं पावनम् ।

विद्वच्छ्रीशुकदेवपादयुगलाम्भोजैकभोग्यं परं,

वन्दे तं परमं पराङ्कुशगुरुं वेदान्ततत्त्वप्रदम् ।।१३।।

स्वामीज्यूकै संन्यास लिएपछिको स्तुतिपद्य

श्रीमच्छुकार्यपदपङ्कजलब्धदीक्षां,

गोपालदेशिकपदाम्बुजदत्तशिक्षम् ।

श्रीभूतपट्टणयतीन्द्रमठाधिपाप्त-

ज्येष्ठाश्रमं शठरिपुं यतिराजमीडे ।।१४।।

श्रीशुकाचार्य स्वामीज्यूको स्तुतिपद्य

श्रीवत्सवंशवरवारिधिविश्वचन्द्रं,

श्रीजीयरार्यबलभद्रपदाब्जभृङ्गम् ।

श्रीवेदमूर्तिमुरलीधरसूनुरत्नं,

श्रीमच्छुकं सुवरदं शरणं प्रपद्ये ।।१५।।

श्रीबलभद्र स्वामीज्यूको स्तुतिपद्य

श्रीमत्काश्यपसन्ततौ शशिधरं लीलाधरार्यात्मजं,

श्रीमच्छ्रीहयग्रीवदेशिकगुरोः पादाब्जसत्षट्पदम् ।

शान्त्याद्यस्य गुणोत्करस्य निलयं श्रीवैष्णवानन्ददं,

तं श्रीश्रीबलभद्रदेशिकमहं वन्दे कृपासागरम् ।।१६।।

श्रीहयग्रीव स्वामीज्यूको स्तुतिपद्य

श्रीकान्यकुब्जकुलवारिधिपूर्णचन्द्रं,

श्रीश्रीनिवासगुरुवर्यपदाब्जभृङ्गम् ।

श्रीरामनारभवनात्मजमात्मवन्तं,

श्रीमद्गुरुं हयगलं शरणं प्रपद्ये ।।१७।।

स्वामीज्यूकै संन्यास लिएपछिको स्तुतिपद्य

यस्मै श्रीयतिशेखरः स्वकृपया दण्डत्रयं दत्तवान्,

काषायाम्बरमाशु रङ्गनिलये श्रीवैष्णवैर्मण्डिते ।

श्रीरङ्गार्यतनूजपादशरणाद् मन्त्रं च यो लब्धवान्,

तं श्रीश्रीहयकण्ठदेशिकमहं वन्दे यतीनां वरम् ।।१८।।

वर्तमान गोवर्धन-पीठाधीश श्रीरङ्गाचार्य (बालक) स्वामीज्यूको स्तुतिपद्य

वाधूलाब्धिसरोजसौम्यविकसद्रङ्गार्यदौहित्रकं,

श्रीमत्कोविदश्रीनिवासतनयं सौशील्यभूषान्वितम् ।

श्रीमद्वेङ्कटयोगिराजचरणे न्यस्तात्मभारं मुदा,

श्रीरङ्गार्यगुरुं भजामि सततं कारुण्यवारांनिधिम् ।।१९।।

श्रीरङ्गाचार्य स्वामीज्यूको स्तुतिपद्य

श्रीमद्वाधूलवंशामृतजलविधुं रङ्गराजार्यसूरेः,

पौत्रं श्रीश्रीनिवासाह्वयगुरुतनयं तत्पदाम्भोजभृङ्गम् ।

श्रीमच्छ्रीशैलरामावरजयतिपतेः पादपाथोजसक्तं,

श्रीरङ्गार्यगुरूणां गुरुमहमनिशं शान्तचित्तं भजामि ।।२०।।

श्रीश्रीनिवासाचार्य स्वामीज्यूको स्तुतिपद्य

वाधूलवंशकलशाम्बुधिशीतभानुं,

श्रीरङ्गराजगुरुवर्यतनूजरत्नम् ।

तत्पाददिव्यसरसीरुहचञ्चरीकं,

श्रीश्रीनिवासगुरुवर्यमहं प्रपद्ये ।।२१।।

श्रीरङ्गदेशिक स्वामीज्यूको स्तुतिपद्य

वाधूलवंशकलशाम्बुधिपूर्णचन्द्रं,

श्रीश्रीनिवासगुरुवर्यपदाब्जभृङ्गम् ।

श्रीवासमूर्तितनयं विनयोज्ज्वलन्तं,

श्रीरङ्गदेशिकमहं शरणं प्रपद्ये ।।२२।।

विविध स्तुतिहरू

श्रीमते रम्यजामात्रे मुनीन्द्राय महात्मने ।

श्रीरङ्गवासिने भूयान्नित्यश्रीर्नित्यमङ्गलम् ।।

मङ्गलं श्रीभाष्यामृतदायिने, सौलभ्यपरिपूर्णाय महापूर्णाय मङ्गलम् ।।२३।।

जयति वाधूलकुलकमलदिनकर ! विभो !

आश्रितदुःखदमन ! श्रीरङ्गसूरे ! स्वामिन् !

विजयी भव विजयी भव विजयी भव !

अमर्यादः क्षुद्रश्चलमतिरसूयाप्रसवभूः,

कृतघ्नो दुर्मानी स्मरपरवशो वञ्चनपरः ।

नृशंसः पापिष्ठः कथमहम् इतः दुःखजलधे-

रपारादुत्तीर्णस्तव परिचरेयं चरणयोः ।।२४।।

अज्ञानिना मया दोषानशेषान् विहितान् हरे ।

क्षमस्व त्वं क्षमस्व त्वं शेषशैलशिखामणे ।।२५।।