श्रीयोगिराजस्वामिमङ्गलाशासनम्

श्रीयोगिराजस्वामिमङ्गलाशासनम्

मङ्गलं योगिवर्याय लक्ष्मीशप्रतिमूर्तये 

कौशिकाब्धीशचन्द्राय कमलाक्षाय सूरये ॥ १॥ 

मङ्गलं रामकृष्णाद्यवतारोत्सवकारिणे ।

श्रीशानुभवसिद्धाय कमलाक्षाय योगिने ॥ २ ॥ 

मङ्गलं वादिभीकार्यानन्ताचार्यदयावसात् । 

लब्धसर्वार्थशास्त्राय कमलाक्षाय योगिने ॥ ३ ॥

मङ्गलं गुरुवर्याय श्रीसनातनवैदिकम् ।

धर्मलोप्तुं प्रवृत्तानां शिरोवज्रवराङ्घ्रये ॥ ४ ॥

यज्ञैः सुविततैर्लोके देवानां मोदकारिणे । 

कमलाक्षाय सेव्याय नित्यश्रीर्नित्यमंगलम् ॥ ५ ॥ 

योगसिद्ध्याद्भूतैः कार्यैः लोकमङ्गलभाविने । 

कमलाक्षाय सर्वत्र नित्यश्रीर्नित्यमङ्गलम् ॥ ६ ॥

रामानुजार्यदिव्याज्ञावृद्धये देशचारिणे । 

मुनये कमलाक्षाय नित्यश्रीर्नित्यमङ्गलम् ॥ ७ ॥

सर्वलोकहितार्थाय भूटाननगरादिषु ।

विष्णुधर्मप्रचाराय योगिराजाय मङ्गलम् ॥८ ॥

पयोमात्रकृताहारसम्भूतामलमूर्तये ।

सूरये कमलाक्षाय नित्यश्रीर्नित्यमंगलम् ॥ ९ ॥

इति श्रीयोगिराजस्वामिमङ्गलाशासनम्