आरतीको समय भन्ने गुरुपरम्परा तोताद्रिमठ जनकपुर

आरतीको समय भन्ने गुरुपरम्परा तोताद्रिमठ जनकपुर

श्रीगुरुपरम्परापाठ

सर्वदेशदशाकालेष्वव्याहतपराक्रमा। 

रामानुजार्यदिव्याज्ञा वर्द्धतामभिवर्द्धताम् ॥१॥

श्रीरामानुजार्यदिव्याज्ञा प्रतिवासरमुज्वला। 

दिगन्तव्यापिनी भूयात् सा हि लोकहितैषिणी ॥ २॥

श्रीमन् श्रीरंग श्रियमनुपद्रवामनुदिनं संवर्द्धय ।

श्रीमन् श्रीरंग श्रियमनुपद्रवामनुदिनं संवर्द्धय ॥३॥

 

नमः श्रीशैलनाथाय कुन्तीनगरजन्मने। 

प्रसादलब्धपरमप्राप्यकैङ्कर्यशालिने ॥४॥

श्रीशैलेशदयापात्रं धीभक्त्यादिगुणार्णवम् ।

 यतीन्द्रप्रवणं वन्दे रम्यजामातरं मुनिम् ॥ ५॥

 

लक्ष्मीनाथसमारम्भां नाथयामुनमध्यमाम् ॥

अस्मदाचार्यपर्यन्तां वन्दे गुरुपरम्पराम् ॥ ६॥

 

यो नित्यमच्युतपदाम्बुजयुग्मरुक्म

व्यामोहतस्तदितराणि तृणाय मेने ॥

अस्मद्गुरोर्भगवतोस्य दयैकसिन्धोः

रामानुजस्य चरणौ शरणं प्रपद्ये ॥ ७॥

माता पिता युवतयस्तनया विभूति: 

सर्वं यदेव नियमेन मदन्वयानाम् ॥

आद्यस्य न: कुलपतेर्बकुलाभिरामं 

श्रीमत्तदंघ्रियुगलं प्रणमामि मूर्ध्ना ॥८॥

भूतं सरश्च महदाह्वयभट्टनाथ

श्रीभक्तिसारकुलशेखरयोगिवाहान्

भक्तांघ्रिरेणुपरकालयतीन्द्रमिश्रान् 

श्रीमत्परांकुशमुनिं प्रणतोऽस्मि नित्यम् ॥९॥

गुरुमुखमनधीत्य प्राह वेदानशेषान्, 

नरपतिपरिक्लृप्तं शुल्कमादातुकामः ॥

स्वसुरममरवन्द्यं रङ्गनाथस्य साक्षात्, 

द्विजकुलतिलकं तं विष्णुचित्तं नमामि ॥ १० ॥

अस्मद्देशिकमस्मदीयपरमाचार्यानशेषान् गुरून्

श्रीमल्लक्ष्मणयोगिपुङ्गवमहापूर्णौ मुनिं यामुनम् ।

रामं पद्मविलोचनं मुनिवरं नाथं शठद्वेशिणम् 

सेनेशं श्रीयमिन्दिरासहचरं नारायणं संश्रये ॥ ११ ॥

वानाद्रियोगिपदपङ्कज भक्तितत्वम्,

ज्ञानादि सद्गुण गणामृत वारिराशिम् । 

श्रुत्यन्तयुग्म सुखबोधन संप्रवीणम्, 

रामानुजं यतिवरं प्रणमामि नित्यम् ॥

श्रीमद्यतीन्द्रवरयोगि पदाब्ज युग्म,

प्रेमाब्धिवानगिरियोगिदयैक पात्रम् ।

वेदान्त युग्म विशदीकरण प्रवीणम्, 

रामानुजं मुनिवरं सततं नमामि ॥

श्रीवानाद्रि यतीन्द्र पाद जलज द्वन्दानुरागोज्वलम्,

श्रीरङ्गेश्वरपाद पद्म विलसत्सेवा निवद्धादरम् ।

आम्नायद्वयशेखरार्थ विशदीकार प्रवीणं सदा, 

श्रीरामानुज योगिराजमतुलं सेवे दयाम्भोनिधिम् ॥

श्रीमच्छठारि कलिजिद्यतिराज सौम्य-

जामातृवानगिरियोगिपदाब्ज भक्तम् । 

श्रुत्यन्तयुग्म सुखबोधन संप्रवीणम्,

 रामानुजं मुनिवरं गुरुमाश्रयामः ॥

श्रीभाष्यकार वरयोगि पदारविन्द-

प्रेमाम्बुराशि गगनाद्रि मुनीन्द्र भक्तम् । 

वेदान्तयुग्मसुखबोधन संप्रवीणम्,

 रामानुजं यतिवरं गुरूमाश्रयामः ॥

श्रीमच्छठारि यतिराज पदाब्ज भृङ्गम्, 

सौम्योपयन्तृ गगनाद्रि मुनीन्द्र भक्तम् ॥ 

त्रैय्यन्तयुग्म विशदीकरण प्रवीणम् । 

श्रीभट्टनाथ मुनिवर्यमहं भजामि ॥

श्रीमद्यतीन्द्रवरयोगि पदाब्जभृङ्गम् 

श्रीवानशैलमुनिवर्य दयैकपात्रम् ॥ 

विख्यातवेदशिखरो भयतत्वबोधम् । 

रामानुजं कलिजितं मुनिमाश्रयामः ॥

श्रीमच्छठारियतिराजकृपावलम्ब

सौम्योपयन्तृगगनाद्रिमुनीन्द्रभक्तम् ।

वेदान्तयुग्मविशदीकरणप्रवीणं 

रामानुजं यतिवरं गुरुमाश्रयामः ॥

श्रीवैष्णवान्वय पयोनिधि पूर्ण शोभम्, ।

वानाद्रियोगिपद पङ्कज भृङ्गराजम् । 

श्रीरामदेशिक वरेण्य कृपाकटाक्षम्, 

श्रीवालदेशिकमहं शरणं प्रपद्ये ॥

श्रीकश्यपान्वय पयोनिधि पूर्ण चन्द्रम्, 

श्रीवानशैलयमिनां करूणैक पात्रम् । 

श्रीवालदेशिक कटाक्ष विवृद्ध बोधम्, 

श्रीरामदेशिकमहं शरणं प्रपद्ये ॥

वानाद्रियोगि पदपङ्कज भृङ्गराजम्, 

श्रीवालदेशिक पदाब्ज रसैकभृङ्गम् । 

श्रीरामदेशिक कृपालसदात्म बोधम्, 

गोविन्द देशिकमहं शरणं प्रपद्ये ॥

रामानुजार्य पदपङ्कज दत्त चित्तम्, 

श्रीवानशैल मुनिवर्य पदाब्ज भृङ्गम् ।

 गोविन्द देशिक कृपालसदात्मबोधम् 

आचार्यनिष्ठ गुरु दाशरथिं भजामि ॥

श्रीवानाद्रिमुनीन्द्रपादकमल द्वन्दैकसेवारतम् ।

श्रीगोविन्दगुरोः प्रशिष्यमनघं धर्मपचारे रतम् ॥

 श्रीमद्दाशरथेरवाप्त सुमहासंस्कार सत्पञ्चकम् ।

वन्देऽहं सुगुणान्वितं गुरुवरं श्रीभक्तिसाराभिधम् ॥

श्रीमतेरम्यजामातृ मुनीन्द्राय महात्मने । 

श्रीरङ्गवासिनी भूयात् नित्यश्रीर्नित्य मङ्गलम् ॥

मङ्गलं यतिराजाय श्रीभाष्यामृतदायिने ।

शौलभ्य परिपूर्णाय महापूर्णाय मङ्गलम् ॥

जय यतिराज फणिराज अवतारमणे ! प्रवलपाषण्डतमोहरणभानो ! 

विजयी भव, विजयी भव, विजयी भव ।